ملحوظه هامه لتفادى عيب خطير ( sherif)
فيه ملحوظه مهمه لأى حد راكب هيونداى ايا ان كان نوعها و بالذات فيرنا و الانترا ..............
يا ريت عند عمل اى صيانه للعربيه ماحدش ييجى جنب التيل و الطنابير وللا حتى ينضفهم ...... طبعا هاتقولولى الكلام ده غلط و انا عارف انه مش مظبوط بس للأسف وضع الفيرنا و الألانترا بالنسبه للطنابير حساس جدا و بتبوظ مع السنفره و نظافه الطنابير و بتخلى العربيه تغربل مع دوس الفرامل على السرعه العاليه و بتحسها لو ماشى على 140 و جيت تلمس فرامل هتلاقى العربيه بتغربل لغايه ال 100 و بعد كده ماتحسش بحاجه و علشان انا بجرى على طول حستها على طول ,,,,
و ماتخليش حد يقولك دى عيب من الجنوط الأسبور او ما شابه لأنه عيب طنابير ...... و الظاهر ان الطنابير الكورى مش تمام و بتتاكل بسرعه بالذات انى لقيت الموضوع ده ناس بتشتكى منه فى الدايو كمان و كتير قوى فى الفيرنا و كمان الانترا و حتى مراكز الصيانه كتير منهم مايعرفش ايه العيب و الحمد لله ان ربنا وفقنى فى مركز صيانه محترم (كــــارتـــــك ) و قالولى العيب على طول من غير لف و دوران و غيرولى الطنابير على الضمان.
a7'ookom
Sherif